- TRICENARIUM
- TRICENARIUMapud Eccl. Rom. Scriptores, officium est; o. Missarum, quod totidem diebus pro defunctis peragitur, institutore Gregoriô M. Item obventiones, quae Sacerdotibus propterea obtingunt. Apud eosdem tricesima dies defuncti, ut et aliae quaedam, anniversariâ maemoriâ recoli solitae, occurrunt passim. Hincmatus Remens. Capitul. ad Presbyteros, c. 14. ex Concilio Namnet. Ut nullus Presbyterorum ad anniversariam diem, vel tricesimam, tertiam vel septimam alicuius defuncti — se inebriare praesumat. Cuiusmodi anniversarios demortuorum dies, apud Melchitas, Moronitas, Coptitas et Iacobitas quoque obtinere, ex Abr. Echellensi discimus ad l. Ebed-Iesus, c. 60. ubi tricesimae originem, a numero dierum, quibus Mosis obitum luxerunt olim Israelitae, arcessit. Plura hanc in rem vide apud Car. du Fresne Glossar. et Macros Fratres Hierolex. quorum is etiam tricesimam Nuptiarum diem, ut annalem, a Christianis veterib. cultam: hi in Regulis Monast. secundam hebdomadem Quadragesimae Tricesimam appellari, sicut tertiam Vicesimam, ratione praecedentium hebdomadum, Septuagesimae, Quinquagesimae et Quadragesimae, addunt. De statis vero ac anniversariis luctûs diebus apud veteres Romanos, diximus supra, non unô locô. Vide et infra ad Tricesimum: uti de Τριακάσι. Atheniensium, supra voce Phratrica.
Hofmann J. Lexicon universale. 1698.